السلام عليكم اخواتي اليوم غنعطيكم كلامار معمر بالكفتة ولصوص غويال . اولا ناخد ربعة الكفتةنزيدو عليها بصيلة مشلدة معلقة مطيشة الحك 3 معالق معدنوس مقطع شوية ملح ابزار تحميرة اصفر بيضة راس معلقة ديال البسباس محكوك راس التومة محكوك وناخد كيلو كلمار متوسط ونغسلوه ونعمروه ب الكفتة ونسدوهم بعويدات ديال الاسنان وناخد طنجرة ونستفو فيها الكلمار المعمر زاءدبصلة مشلدة 2معالق الزيت بلدية 2 معالق كبار مطيشة الحك ش ملح ابزار ونغطيوهم بالماء ونردوهم فوق العافية يطيبوا ش ساعة او ساعة لاروب اما بالنسبة لصوص ناخد قبطة معدنوس مقطعة رقيق زاءد2معالق زيت بلدية 2رووس التوم محكوكين وناخ شوية الماء لي طيبنا فيه الكلامار ونشحرو فيه هاد المعدنوس ونوضعو الكلامار فطبسيل التقدير وفوقو هد لصوص ديال المعدنوس كتكون ناشفة ولديدة كتجي راءعة ف المداق وانشاء الله مرة الجاية نوضع ليكم الصور ملي نعاود نطيبها مرة اخرى